429

ترک صدر کے دورہ پا کستان کے ثمرات آنا شروع ، بڑا اعلان سامنے آگیا

اسلام آباد : تر کی کی نجی ائیرلا ئن نے پا کستان کے لئے پروازیں شروع کر نے کا فیصلہ کر لیا ہے ، 28مارچ سے پا کستان کے لئے پروازیں  شروع کی جائیں گی ، ترک ائیر لائن پیگاسس استنبول سے کراچی کے لئے پروازیں آپریٹ کر ے گی۔

تفصیلات کے مطابق ترک صدر رجب طیب اردوان کے دورہ پا کستان کے ثمرات آنا شروع ہوگئے ہیں، تر کی کی نجی ائیرلا ئن نےپا کستان کےلئےپروازیں شروع کر نےکافیصلہ کر لیا ہے۔

ترک ائیرلائن پیگاسس28مارچ سےپا کستان کےلئےپروازیں شروع کرےگی ، اس سلسلے میں سول ایوی ایشن اتھا رٹی کےشعبہ ائیرٹرانسپورٹ نےاجازت نا مہ جاری کر دیا ، ترک ائیر لائن استنبول سےکراچی کےلئےپروازیں آپریٹ کر ے گی۔

سول ایوی ایشن اتھا رٹی کا کہنا ہے کہ ہفتےمیں 4پروازیں استنبول سےکراچی آپریٹ ہونگیں۔

یاد رہے گذشتہ ہفتے ترک صدر رجب طیب اردوان نے 2 روزہ پاکستان کا دورہ کیا گیا ، دورے کے دوران ترک صدر نے پاکستان سے تجارتی حجم کو 5 ارب ڈالر تک لے جانے کا اعلان کرتے ہوئے کہا تھا پاکستان کی ہر ممکن مدد کےلئے تیار ہیں ، میں اور عمران خان اکنامک اسٹریٹجی فریم ورک کا تاریخی معاہدہ کرنےجارہےہیں۔

یہ بھی پڑھیں:خالد جاوید خان اٹارنی جنرل آف پاکستان تعینات ، نوٹی فکیشن جاری

ترک صدر رجب طیب اردوان کے دورہ پاکستان کے مشترکہ اعلامیہ میں کہا گیا تھا کہ دونوں ممالک کی لازوال دوستی کے اعادہ کے ساتھ ساتھ چیلنجز میں مدد اور حمایت کےجذبے کی یاد دہانی کی گئی جب کہ شاندار تعلقات کو باہمی شراکت داری اور توسیع دینےکےعزم کا اظہار کرتے ہوئے دونوں ممالک کےلازوال تعلقات کے تحفظ پر زور دیاگیا۔

اعلامیہ میں دہشت گردی کی لعنت کے خلاف لڑائی کے مشترکہ عزم کا اعادہ کیاگیا، دہشت گردی کی بنیادی وجوہات سےنمٹنے پر زور دیتے ہوئے کہا گیا کہ دہشت گردی کو کسی مذہب، قومیت اور تہذیب سےنہیں جوڑا جاسکتا۔

مشترکہ اعلامیہ میں کہا گیا تھا کہ اقوام متحدہ کی سینکشنز رجیم کا اسکوپ بڑھانے پراتفاق کیاگیا اور اسلاموفوبیا کی بڑھتی لہر اور مسلمانوں کےخلاف حملوں پرتشویش کااظہار کیا گیا، اسی طرح ہائی لیول اسٹریٹیجک کوآپریشن کونسل ورکنگ گروپوں کےنتائج کی توثیق اور دوطرفہ ادارہ جاتی میکانزم پربھی اتفاق کیاگیا۔

اس خبر پر اپنی رائے کا اظہار کریں

اپنا تبصرہ بھیجیں