راولپنڈی: آرمی چیف جنرل قمر جاوید باجوہ نے کہا ہے کہ قربانی اور حب الوطنی کا جذبہ کسی بھی فوج کا خاصہ ہے۔
پاک فوج کے شعبہ تعلقات عامہ (آئی ایس پی آر) کے مطابق آرمی چیف جنرل قمر جاوید باجوہ نے نیشنل کاؤنٹر ٹیررازم سینٹر کھاریاں آمد ہوئی، پاک فوج کے سپہ سالار نے انٹرنیشنل پاکستان آرمی اسپرٹ مقابلوں کی اختتامی تقریب میں بھی شرکت کی۔
آئی ایس پی آر کے مطابق مقابلوں میں امریکا، برطانیہ، روس سمیت 16 ممالک کی ٹیمیں شریک ہوئیں، پاک فوج کی 7 ٹیموں اور پاک فضائیہ کی ٹیم سمیت دیگر ممالک کی ٹیمیں شامل تھیں۔
Gen Qamar Javed Bajwa, COAS visited training area near Kharian to witness closing ceremony of Intl Pak Army Team Spirit competition. PATS is aimed at testing survival skills & physical limits of participants. Apart from Pak Army & PAF, teams from 16 foreign countries participated pic.twitter.com/NUVIWoyArU
— DG ISPR (@OfficialDGISPR) March 4, 2020
آئی ایس پی آر کا کہنا ہے کہ مقابلوں میں جسمانی، ذہنی صلاحیتوں سمیت جنگی حربوں کا مظاہرہ کیا گیا، مقابلوں کا مقصد انسداد دہشت گردی سے متعلق ایک دوسرے کے تجربات سے استفادہ کرنا تھا۔
آرمی چیف کا کہنا تھا کہ مختلف ممالک کے شرکا کو ایک دوسرے کے تجربات سے استفادے کا موقع ملا، مختلف چیلنجز سے نبرد آزما ہونے کی صلاحیتوں کو مزید نکھارنا چاہئے۔
COAS said that spirit of sacrifice, patriotism & professionalism makes a force formidable in adversity. Such exercises would also help to integrate armies of countries participating.
COAS thanked all foreign participants for being part of the event and show casing their prowess. pic.twitter.com/Ohwnsx6FMA— DG ISPR (@OfficialDGISPR) March 4, 2020
آرمی چیف نے مقابلوں میں حصہ لینے والے غیرملکی شرکا کی صلاحیتوں کی تعریف کرتے ہوئے کہا کہ ذہنی، جسمانی فٹنس جوابی حکمت عملی کے لیے خصوصی اہمیت رکھتی ہے۔
آئی ایس پی آر کے مطابق کراچی کور آرمی ٹیم اسپرٹ مقابلوں کی فاتح قرار پائی، ملتان کور دوسرے اور راولپنڈی کور تیسرے نمبر پر رہی، ترکی نے انٹرنیشنل ٹیموں میں گولڈ میڈل حاصل کیا، آرمی چیف نے مقابلوں میں شرکت کرنے والے شرکا کو مبارکباد دی۔
