457

کسٹمز حکام نے بیرون ملک نشہ آور ادویات کی اسمگلنگ ناکام بنادی

لاہور: علامہ اقبال ایئرپورٹ پر کسٹمز حکام نے بیرون ملک نشہ آور ادویات کی اسمگلنگ کی کوشش ناکام بنا دی۔

اے آر وائی نیوز کے مطابق علامہ اقبال ایئرپورٹ پر 2 مسافروں سے 11 کلو نشہ آورادویات برآمد کی گئی ہیں۔ ملزم کو گرفتار کرکے قانونی کارروائی کا آغاز کردیا گیا ہے۔

کسٹمز حکام کا کہنا ہے کہ گرفتار ملزمان کی شناخت طاہرمحمود اور مبشرسلیم نے نام سے ہوئی ہے جو نشہ آورادویات بیرون ملک لے جارہے تھے۔ کسٹمز حکام نے دونوں مسافروں کو تحویل میں لے کر تحقیقات شروع کردیں۔

رواں سال کے آغاز میں اے ایس ایف نے اسلام آباد ایئرپورٹ پر کارروائی کرتے ہوئے مسافر کو گرفتار کرکے ہیئروئن برآمد کی تھی۔ ملک بھر کے ایئرپورٹس پر منشیات اسمگلنگ کی کوششوں میں درجنوں افراد گرفتار ہوچکے ہیں۔

یہ بھی پڑھیں:وزیراعظم کی ڈیرن سیمی کوپاکستان کی اعزازی شہریت ملنے پرمبارکباد

واضح رہے کہ اس سے قبل گزشتہ سال نومبر میں اے ایس ایف نے عمان جانے والے مسافر کے سامان سے 3 کلو 378 گرام اعلیٰ کوالٹی کی چرس برآمد کی تھی۔

یاد رہے کہ گزشتہ سال نومبر میں ہی نیواسلام آباد ایئرپورٹ پر اے ایس ایف نے غیرملکی ایئرلائن کی پرواز کے ذریعے سعودی عرب جانے والے مسافر سے 3 کلو آئس ہیروئن برآمد کرکے گرفتار کیا تھا۔

اس خبر پر اپنی رائے کا اظہار کریں

اپنا تبصرہ بھیجیں