بیجنگ: دنیا کی مقبول ترین ای کامرس کمپنی ’’علی بابا‘‘ کے شریک بانی جیک ما بھی کروناوائرس کے خلاف جنگ کے لیے میدان میں اتر آئے۔
چینی خبررساں ادارے کی رپورٹ کے مطابق کروناوائرس سے لڑنے کے لیے جیک ما نے جاپان کو دس لاکھ سرجیکل ماسک کی امداد کی اور اب انہوں نے ایران کی بھی مدد کا اعلان کیا ہے۔
چین کے امیر ترین شہریوں میں شمار ہونے والے جیک ما نے سوشل میڈیا پر اعلان کیا کہ وہ اور ان کی ٹیم مزید ایک ملین سرجیکل ماسک اکھٹا کررہی ہے جو ایران پہنچائے جائیں گے۔
After donating one million face masks to Japan, Chinese billionaire #JackMa announced on Chinese social media that he and his team have gathered another one million masks, ready to be shipped to #Iran at top speed, in hopes to help protect the people there pic.twitter.com/bEwXHKT0dD
— CGTN (@CGTNOfficial) March 6, 2020
چین کے بعد سب سے زیادہ ایران میں کروناوائرس سے شہری متاثر ہورہے ہیں جس کے پیش نظر لاکھوں ماسک تہران حکومت کے حوالے کرنے کا فیصلہ جیک ما نے کیا ہے۔
دنیا بھر میں کرونا وائرس بے قابو، 90 ممالک تک پہنچ گیا، 3386 افراد ہلاک
ان کا کہنا تھا کہ ماسک کے ذریعے مہلک وائرس سے شہری اپنے آپ کو بچانے کی کوشش کریں گے۔
خیال رہے کہ دنیا بھر میں کرونا وائرس بے قابو ہو گیا ہے، اب تک وائرس 90 ممالک تک پہنچ چکا ہے، جب کہ وائرس سے دنیا بھر میں ہلاک افراد کی تعداد بھی بڑھ کر 3386 ہو گئی ہے۔
