409

جرمنی میں 2 شیشہ بارز میں فائرنگ، 8 افراد ہلاک

ہاناؤ: جرمنی کے شہر ہاناؤ میں 2 شیشہ بارز میں فائرنگ سے 8 افراد ہلاک ہو گئے ہیں۔

تفصیلات کے مطابق مغربی جرمنی کے شہر ہاناؤ کے دو شیشہ بارز میں فائرنگ سے آٹھ افراد ہلاک جب کہ کم از کم 5 افراد زخمی ہو گئے ہیں۔

مقامی پولیس نے میڈیا کو بتایا کہ مقامی وقت کے مطابق رات دس بجے حملہ آوروں نے شیشہ بارز میں فائرنگ کر کے آٹھ افراد کو قتل کر دیا، فائرنگ میں ملوث حملہ آور موقع سے فرار ہو گئے ہیں، جن کی تلاش شروع کر دی گئی ہے۔

واقعے کے بعد پولیس نے ہیلی کاپٹرز کے ذریعے علاقے میں پیٹرولنگ شروع کر دی ہے، حملہ آوروں کی تعداد کے بارے میں بھی درست طور پر معلوم نہیں ہو سکا ہے، پہلے حملے میں تین افراد جب کہ دوسرے میں پانچ افراد مارے گئے۔

یہ بھی پڑھیں:کرونا وائرس سے متاثرہ جہاز ڈائمنڈ پرنسز کے 2 مسافر ہلاک

غیر ملکی میڈیا کے مطابق موقع واردات سے سیاہ رنگ کی ایک گاڑی کو نکلتے دیکھا گیا ہے، پولیس نے جس کی تلاش شروع کر دی ہے، دوسری طرف حملے کی وجہ یا مقصد بھی واضح نہیں ہو سکا ہے۔

خیال رہے کہ محض 4 دن قبل برلن میں ترکش کامیڈی شو کے قریب بھی فائرنگ کا ایک واقعہ رونما ہوا تھا جس میں ایک شخص ہلاک ہوا تھا۔

اس خبر پر اپنی رائے کا اظہار کریں

اپنا تبصرہ بھیجیں