جماعت اسلامی یکم سے 7 اکتوبر تک غزہ اور لبنان کے لوگوں کےساتھ اظہار یکجہتی کرے گی۔
جماعت اسلامی نے 29 ستمبر سے ملک بھر میں مظاہروں، 7 اکتوبر کے بعد نئی مزاحمتی تحریک شروع کرنے اور 23 سے 27 اکتوبر تک بجلی کے بلوں کی ادائیگی کرنے یا نہ کرنے پر عوامی ریفرنڈم کرانے کا اعلان کر دیا۔
امیر جماعت اسلامی حافظ نعیم الرحمٰن نے 45دن کی ڈیڈ لائن مکمل ہونے پر منصورہ لاہور میں پریس کانفرنس کی۔
حافظ نعیم الرحمٰن نے کہا کہ بجلی کے بلوں اور ناجائز ٹیکسوں کے خلاف عوام کے صبر کا پیمانہ لبریز ہوچکا، 29 ستمبر سے 27 اکتوبر تک نئی احتجاجی تحریک چلائیں گے، ملین مارچ کا آپشن بھی موجودہے جو لانگ مارچ کی شکل اختیار کر سکتا ہے،حکومت آئی پی پیز کو لگام ڈالے، رپورٹ سے کچھ نہیں ہو گا۔
111
