384

رانا ثناءاللہ سے17سال کا ریکارڈ طلب، جائیدادوں کی تفصیلات ساتھ لانے کی ہدایت

لاہور : آمدن سے زائد اثاثہ جات کیس کے حوالے سے نیب نے ن لیگی رہنما راناثنااللہ سے2001 سے2018تک اثاثوں کی تفصیلات طلب کرلیں، 17سال کا ریکارڈساتھ لانے کی ہدایت کردی۔

تفصیلات کے مطابق منشیات برآمدگی کیس میں ملوث ن لیگ کے مرکزی رہنما رانا ثناءاللہ کو قومی احتساب بیورو نے ان کی تمام جائیداوں کی تفصیلات سمیت طلب کیا ہے۔

اس حوالے سے ذرائع کا کہنا ہے کہ راناثناءاللہ کو ہدایت کی گئی ہے کہ2001سے2018تک اثاثوں کی تفصیلات ساتھ لائیں اور اہلخانہ کو موصول غیرملکی ترسیلات کی تفصیلات جمع کرائیں۔

اس کے علاوہ2001سے2018 اثاثے کتنے بڑھے، راناثنااللہ اس کی وضاحت بھی پیش کریں، راناثناءاللہ سیاست میں آنے سے پہلے اور بعد کے اثاثوں کی تفصیلات بھی ساتھ لائیں۔

یہ بھی پڑھیں:

غیرقانونی بھرتیوں کا کیس، سابق وزیراعظم کو بری کردیا گیا

آپ نے سیاست کب شروع کی اور کتنی دفعہ پبلک آفس ہولڈ کیا یہ بات تحریری طور پر بیان کریں، نیب ذرائع کے مطابق انہیں کہا گیا ہے کہ بتائیں کہ آپ کے کاروبار کون کون ہیں اور خاندان سے کوئی اور شخص سیاست میں ہے یا نہیں۔

ذرائع کے مطابق ہدایات میں کہا گیا ہے کہ یہ بھی بتایا جائے کہ آپ کے اور اہل خانہ کے نام اور کتنی جائیدادیں ہیں اس کی تفصیلات ساتھ لائیں، گزشتہ20 سال میں کون کون سی جائیدادیں خریدی اور فروخت کی، کسی غیر ملکی کمپنی میں آپ کے یا فیملی کے کتنے شیئرز ہیں اس کی تفصیلات فراہم کریں۔

نیب ذرائع کے مطابق ان سے کہا گیا ہے کہ آپ اور آپ کے اہلخانہ کے پاس کتنا سونا ہے؟ پرائز بانڈز اور گاڑیوں کی تفصیلات بھی ساتھ لائیں، سوالنامے میں درج 15جائیدادوں سے متعلق تفصیلات بھی جمع کرائی جائیں، بتایا جائے کہ 15 جائیداد کی مالیت کتنی اور ان کی سورس آف انکم کیا ہے؟

اس خبر پر اپنی رائے کا اظہار کریں

اپنا تبصرہ بھیجیں