511

‘طالبان اور امریکا معاہدہ عمران خان کے امن وژن کی جیت’

لاہور : گور نر پنجاب چوہدری محمدسرور کا کہنا ہے کہ طالبان،امریکامعاہدہ عمران خان کے امن وژن کی جیت ہے، جنگوں سےمسائل حل نہیں ہوتےان میں اضافہ ہوتا ہے۔

تفصیلات کے مطابق گور نر پنجاب چوہدری محمدسرور نے اپنے بیان میں کہا ہے کہ طالبان،امریکا معاہدہ عمران خان کےامن وژن کی جیت ہے، خطے میں امن کیلئے افواج پاکستان کی قربانیاں ایک مثال ہیں، افغانستان میں امن خطے کیلئے بہت فائدہ مندہوگا۔

گورنرپنجاب چوہدری سرور کا کہنا تھا کہ جنگوں سے مسائل حل نہیں ہوتے ان میں اضافہ ہوتاہے، نریندر مودی نے خود اپنے پاؤں پر کلہاڑی مارلی ہے، دہلی فسادات پر اقوام متحدہ کیوں خاموش تماشائی بنی ہوئی ہیں؟ بھارت میں آرایس ایس کےغنڈوں سے مسلمانوں کےقبر ستان بھی محفوظ نہیں۔

چوہدری سرور نے بھارتی مسلمانوں کیلئے بھرپور آواز بلند کرنے پر طیب اردوان کا شکریہ ادا کیا۔

خیال رہے امریکا اور طالبان کے درمیان افغان امن معاہدے پر دستخط آج ہونے جارہے ہیں ، افغان امن معاہدہ پر دستخط کی تقریب کی تیاریاں مکمل ہوگئیں ہیں ، معاہدےکی تقریب پاکستانی وقت کے مطابق شام ساڑھے5بجےہوگی ، طالبان کی جانب سے امن کونسل کے سربراہ ملا عبدالغنی برادر دستخط کریں گے۔

معاہدے کی تقریب میں 50 ممالک کے وزیرخارجہ شرکت کریں گے ، پاکستان سےوزیر خارجہ شاہ محمود قریشی نمائندگی کررہےہیں۔

اس خبر پر اپنی رائے کا اظہار کریں

اپنا تبصرہ بھیجیں