440

مشتاق مہر نے آئی جی سندھ کا چارج سنبھال لیا

کراچی : مشتاق مہر نے آئی جی سندھ کا چارج سنبھال لیا، مشتاق مہر ایڈیشنل آئی جی ٹریفک سندھ کےعہدےپربھی رہے اور دو باربطورکراچی پولیس چیف اپنی خدمات انجام دے چکے ہیں۔

تفصیلات کے مطابق نئے آئی جی مشتاق مہر سینٹرل پولیس آفس پہنچے تو آئی جی سندھ ڈاکٹر سیدکلیم امام نے ان کا استقبال کیا، نئے آئی جی سندھ مشتاق مہر کو سی پی او میں سلامی پیش کی گئی۔

جس کے بعد مشتاق مہر نے 60 ویں آئی جی سندھ کا چارج سنبھال لیا، آئی جی سندھ مشتاق مہر گریڈ 22 کے افسر ہیں، وہ اس سے پہلےآئی جی ریلوے کے عہدے پر تعینات تھے جبکہ ایڈیشنل آئی جی ٹریفک سندھ کےعہدے پر بھی رہے اور دو باربطورکراچی پولیس چیف اپنی خدمات انجام دے چکے ہیں۔

اس سے قبل وزیراعلیٰ سندھ مراد علی شاہ سے نئے آئی جی سندھ مشتاق مہرکی ملاقات ہوئی ، ملاقات میں وزیراعلیٰ سندھ نے آئی جی پولیس کو صوبےمیں امن امان کو بہتر کرنے کی ہدایت کرتے ہوئے کہا سندھ کے امن امان کی بحالی میں پولیس کا بڑا اہم کردار ہے۔

مراد علی شاہ کا کہنا تھا کہ چاہتا ہوں پولیس کی موجودگی عوام کیلئےپریشانی نہیں بلکہ باعث تحفظ ہو، پولیس عوام کے جان ومال کے تحفظ کیلئے مزید بہتر اقدامات کرے۔

نئے آئی جی نے وزیراعلیٰ سندھ کویقین دہانی کرائی کہ صوبےکاامن وامان مزیدبہترکیاجائے گا۔

اس خبر پر اپنی رائے کا اظہار کریں

اپنا تبصرہ بھیجیں