384

ملک کی سب سے امیر ترین جماعت کون سی ؟ تفصیلات سامنے آگئی

اسلام آباد :پاکستان  تحریک انصاف  ملک کی سب سے امیر ترین جماعت قرار پائی ، پی ٹی آئی22کروڑ53لاکھ مالیت کے اثاثوں کی مالک ہیں جبکہ   شیخ رشیدکی عوامی مسلم لیگ غریب ترین جماعتوں میں شامل ہیں۔

تفصیلات کے مطابق الیکشن کمیشن نےسیاسی جماعتوں کے19  – 2018  کے اثاثوں کی تفصیلات جاری کردی،   125 میں سے صرف 82 سیاسی جماعتوں نے تفصیلات جمع کرائی۔

الیکشن کمیشن کےمطابق تحریک انصاف کے22  کروڑ53  لاکھ مالیت کےاثاثےہیں،  جس میں ایک سال میں9 کروڑ روپےکمی آئی، پارٹی چیئرمین نےبیان حلفی دیا ہے کہ پارٹی کوممنوعہ ذرائع سےکوئی فنڈنگ نہیں ہوئی،آمدن سے زائد اخراجات ہوئے ، تحریک انصاف کے 1 سال میں 50 کروڑ 87 سےزائداخراجات ہوئے۔

یہ بھی پڑھیں:

سرکاری خرچ پر حج بیت اللہ کی سعادت کرنے والے خوش نصیب ملازمین کے ناموں کا اعلان

پاکستان پیپلزپارٹی پارلیمنٹیرینزکےپاس 16 کروڑروپےکابینک بیلنس ہے، جس میں سے 1 کروڑ35  لاکھ روپے کاچندہ ملا جبکہ اثاثوں کی مالیت 17 لاکھ16  ہزارروپے ہے، پاکستان پیپلزپارٹی کے 2کروڑ سے زائدکے اخراجات اور آمدن 57 لاکھ ہوئی۔

مسلم لیگ ن کےبھی آمدن سےزائداخراجات ہوئے،ن لیگ کی  1کروڑ55  لاکھ روپےآمدن اور  20 کروڑ کےاخراجات ہوئے جبکہ اثاثوں کی مالیت8  کروڑ17 لاکھ روپے ہے ۔

شیخ رشیدکی عوامی مسلم لیگ غریب ترین سیاسی جماعتوں میں شامل ہیں،ان کےاکاؤنٹ میں صرف اڑھائی لاکھ روپےموجود ہیں، بلوچستان عوامی پارٹی کے2 لاکھ 31 ہزارروپےکا بینک بیلنس ہے جبکہ ایم کیوایم کےپاس 4 کروڑ19  لاکھ کےاثاثےہیں ، ایم کیو ایم نے چندے کی مد میں 4 کروڑ 79 لاکھ روپے اکٹھے کیے۔

اسی طرح  جماعت اسلامی 90لاکھ 18  ہزارروپےکےاثاثوں کی مالک ہیں جبکہ  ق لیگ کےپاس 4 کروڑ99  لاکھ روپےمالیت کےاثاثےہیں۔

اس خبر پر اپنی رائے کا اظہار کریں

اپنا تبصرہ بھیجیں