280

نواز شریف کے داماد کی ضمانت منسوخی کی درخواست مسترد

لاہور : لاہور ہائی کورٹ نے سابق وزیراعظم نواز شریف کے داما کیپٹن صفدر کی ضمانت منسوخی کی درخواست ناقابل سماعت قرار دے مسترد کردی ، ۔

ٹفصیلات کے مطابق لاہور ہائی کورٹ میں سابق وزیراعظم نواز شریف کے داماد کیپٹن(ر)صفدر کی ضمانت منسوخی کی درخواست پر سماعت ہوئی ، :جسٹس ملک شہزاد احمد خان نے حکومت پنجاب کی اپیل پر سماعت کی۔

ڈپٹی پراسیکیوٹرجنرل نے استدعا کی کیس کی سماعت ملتوی کی جائے ، جس پر عدالت نے کہا نہیں ملتوی نہیں ہوگی ابھی بتائیں فیصلہ کردیتےہیں ، ابھی تک تواس میں نوٹس بھی نہیں ہوئے ، آپ دلائل دیں ہم اس کا فیصلہ کردیتے ہیں۔

ڈپٹی پراسیکیوٹرجنرل نے کہا کہ کیپٹن صفدرنےسیشن کورٹ میں ریاستی اداروں کیخلاف بات کی، ان کی میڈیا سے گفتگوقابل اعتراض ہے، جس پر عدالت کا کہنا تھا کہ آپ کہتے ہیں کیپٹن (ر)صفدر نے حکومت کے خلاف احتجاج کیا ، حکومت خودبھی احتجاج کرتی رہی کیا اس کے خلاف بھی پرچہ دیناچاہئے۔

ڈپٹی پراسیکیوٹرجنرل نے مزید کہا کہ احتجاج پر کوئی اعتراض نہیں مگر قانونی دائرہ کار میں رہ کر کیا جانا چاہئے، سرکاری وکیل کا کہنا تھا کہ کیپٹن صفدر نے مریم کی پیشی پر پولیس اہلکاروں سے ہاتھا پائی بھی کی۔

لاہور ہائی کورٹ نے کیپٹن صفدر کی ضمانت منسوخی کی درخواست ناقابل سماعت قرار دے کر مسترد کردی۔

گزشتہ سماعت پرسرکاری وکیل نے تیاری کیلئےمہلت طلب کی تھی ، پنجاب حکومت کی جانب سے درخواست میں کہا گیا تھا کہ کیپٹن(ر)صفدر نے مریم کی پیشی پر پولیس اہلکاروں سے ہاتھاپائی کی، جس کے بعد ان کےخلاف ہنگامہ آرائی اورکارسرکارمیں مداخلت کامقدمہ درج کیاگیا، سیشن عدالت نےقانونی جوازکےبغیر ضمانت منظور کی۔

دائر درخواست میں استدعا کی گئی تھی کہ کیپٹن (ر) صفدرکی ضمانت منظوری کے فیصلے کو کالعدم قرار دے۔

یاد رہےکیپٹن ریٹائرڈ صفدر نے مریم نواز کی عدالت میں‌ پیشی کے دوران پولیس پر حملہ بھی کیا تھا، جس کے بعد کیپٹن (ر) صفدر اور پولیس اہلکاروں میں ہاتھا پائی کا مقدمہ تھانہ اسلام پورہ درج کر لیا گیا تھا ، جس میں کیپٹن صفدر سمیت 15 نامعلوم افراد کو نامزد کیاگیا۔

بعد ازاں لاہور پولیس نے کیپٹن (ر) صفدر کو راوی ٹول پلازہ سے گرفتار کرلیا تھا ، انہیں حکومت کے خلاف اشتعال انگیز تقریر کے الزام میں گرفتار کیا گیا تھا۔

خیال رہے گذشتہ سال اکتوبر میں لاہور کی سیشن عدالت نے اشتعال انگیز تقاریر کیس میاں نواز شریف کے داماد کیپٹن(ر)صفدر کی درخواست ضمانت منظور کرتے ہوئے اور کیپٹن (ر)صفدر کو 2 لاکھ کے ضمانتی مچلکے جمع کرانے کا حکم دیا تھا۔

اس خبر پر اپنی رائے کا اظہار کریں

اپنا تبصرہ بھیجیں