451

وزیراعظم عمران خان ملائشیا کے دورے پر روانہ

اسلام آباد : وزیراعظم عمران خان ملائشیا کے دورے پر روانہ ہوگئے ، دورے کے دوران مہاتیرمحمدسےون آن ون ملاقات ہوگی اور دونوں رہنمامشترکہ پریس کانفرنس بھی کریں گے جبکہ دو طرفہ معاہدے بھی کئے جائیں گے۔

تفصیلات کے مطابق وزیراعظم عمران خان ملائشیا کے 2روزہ سرکاری دورے پر روانہ ہوگئے ، وفاقی وزراشاہ محمودقریشی، اسدعمر اور مشیرتجارت عبدالرزاق داؤد بھی عمران خان کے ہمراہ ہیں۔

دورے کے دوران وزیراعظم عمران خان کی ملائشین وزیراعظم مہاتیرمحمد سے ون آن ون اور وفد کی سطح پر ملاقات ہوگی جبکہ پاکستان اور ملائشین وزیراعظم کی مشترکہ پریس کانفرنس بھی کریں گے، اس دوران دو طرفہ معاہدے بھی کئے جائیں گے اور عمران خان مسئلہ کشمیر،انسانی حقوق کی خلاف ورزیوں کو اجاگر کریں گے ۔

ترجمان کے مطابق وزیر اعظم عمران خان ملائشیامیں تھنک ٹینک سے بھی خطاب کریں گے۔

وزیراعظم عمران خان دورہ ملائیشیامہاتیرمحمدکی دعوت پرکررہےہیں اور یہ ان کا یہ دوسرا ملائشیا کا دورہ ہیں۔

یاد رہے وزیراعظم نے ملائیشیا کے دورے پرجاتے ہوئے بھارت کے بجائے چین کی فضائی حدود استعمال کرنے کا فیصلہ کیاتھا ، بھارت کی فضائی حدود استعمال نہ کرنے سے سفرکا دورانیہ4سے 5 گھنٹے بڑھے گا، مقبوضہ کشمیرمیں بھارتی مظالم کے باعث بھارت کی حدود استعمال نہ کرنے کا فیصلہ کیا۔

گذشتہ سال دسمبر میں ملائیشین وزیراعظم نے عمران خان کیلئے پروٹون 70 گاڑی کا تحفہ بھیجا تھا، جسے مشیر تجارت عبدالرزاق داؤد وزیراعظم کی جانب سے وصول کیا۔

واضح رہے کہ مارچ  2019 میں ملائیشین وزیراعظم مہاتیر محمد تین روزہ دورے پر پاکستان پہنچے تھے ، جہاں اُن کا نور خان ایئربیس پر وزیراعظم عمران خان نے شانداراستقبال کیا اور مہمان کے اعزاز میں اکیس توپوں کی سلامی دی گئی۔

ملائیشین وزیراعظم نے ایک روز بعد پروٹون گاڑیوں کا پلانٹ پاکستان میں لگانے کا اعلان کرتے ہوئے کہا تھا کہ اس کا مقصد دونوں ممالک کی تجارتی شراکت داری کو قائم کرنا ہے۔

اس خبر پر اپنی رائے کا اظہار کریں

اپنا تبصرہ بھیجیں