376

پاکستان اور ملائیشیا کے درمیان قیدیوں کی حوالگی کےمعاہدے پر دستخط

پتراجایا: پاکستان اور ملائیشیا کےدرمیان قیدیو ں کی حوالگی کا معاہدے طے پاگیا ، وزیرخارجہ شاہ محمود قریشی اور ملائیشین  وزیرقانون نے معاہدے پر دستخط کئے۔

تفصیلات کے مطابق پاکستان اور ملائیشیا کےدرمیان قیدیوں کی حوالگی کے معاہدےپردستخط کردیئے گئے ، وزیرخارجہ شاہ محمود قریشی اورملائیشین وزیرقانون نےمعاہدےپردستخط کئے، دستخط کی تقریب میں پاکستان اورملائیشیاکےوزرائےاعظم نے شرکت کی۔

وزیراعظم عمران خان اور ہم منصب مہاتیرمحمد نے مشترکہ پریس کانفرنس کی تھی ، ملائیشین وزیراعظم کاکہنا تھا کہ پاکستان اور ملائیشیا نے قیدیوں کے تبادلے کامعاہدہ کیا ہے ، قیدیوں کے تبادلے سے جرائم کی روک تھام میں مدد ملےگی۔

یہ بھی پڑھیں:

سرکاری اسپتال کا ڈاکٹر آپے سے باہر، نرس پر تھپڑوں کی بارش کر دی

قیدیوں کے تبادلے کے معاہدے کے حوالے سے عمران خان نے کہا معاہدےسے پہلےبھی ملائیشیانے جرائم میں ملوث شخص کوحوالےکیاتھا۔

وزیراعظم نے مقبوضہ کشمیر میں ناانصافی کیخلاف آواز اٹھانے پر مہاتیرمحمدکا خصوصی شکریہ ادا کیا اور کہا تھا ملائیشیا میں دسمبر میں کوالالمپور سمٹ میں شرکت نہ کرسکا ، قریبی دوست کو لگا کہ کانفرنس سے مسلم امہ تقسیم ہوجائے گی، اسلام پرغلط فہمیاں دور کرنے کیلئے محمدﷺ کی تعلیمات سے آگاہی ضروری ہے، اسلام کے مثبت امیج کیلئے مشترکہ میڈیا پر بھی بات چیت ہوئی ہے۔

اس سے قبل وزیر اعظم عمران خان اور ملائیشین ہم منصب مہاتیر محمد کے درمیان ملاقات ہوئی تھی، ملاقات میں کئی شعبوں میں تعاون پر غور کیا گیا۔

اس خبر پر اپنی رائے کا اظہار کریں

اپنا تبصرہ بھیجیں