358

پاک فضائیہ کا تربیتی طیارہ گر کر تباہ ، پائلٹ محفوظ

شورکوٹ : پاک فضائیہ کا تربیتی طیارہ شورکوٹ کے قریب گر کر تباہ ہوگیا، حادثے میں پائلٹ جہاز سے بحفاظت اترنے میں کامیاب رہا ، تاہم واقعےکی وجوہات جاننے کے لئے اعلیٰ سطحی بورڈ تشکیل دے دیا۔

تفصیلات کے مطابق پاک فضائیہ کا طیارہ شورکوٹ کے قریب گرکرتباہ ہوگیا ، حادثے کے نتیجے میں پائلٹ جہاز سے بحفاظت اترنے میں کامیاب رہا اور زمین پرجانی ومالی نقصان کی کوئی اطلاع نہیں ملی۔

ترجمان کا کہنا ہے کہ پاک فضائیہ کامیراج طیارہ معمول کی تربیتی پروازپرتھا کہ اچانک فنی خرابی کے باعث گر کرتباہ ہوگیا ، واقعے کے فوری بعد ریسکیو اور فائر بریگیڈ کا عملہ جائے وقوع پر پہنچ گیا اور ریسکیو اور سرچ آپریشن جاری ہے۔

واقعےکی وجوہات جاننے کے لئے ائیرہیڈکوارٹرز نے اعلیٰ سطحی بورڈ تشکیل دے دیا۔

یہ بھی پڑھیں:

کرونا وائرس کا خطرہ شمالی آئرلینڈ بھی پہنچ گیا

یاد رہے 7 جنوری کو پاک فضائیہ کا طیارہ تربیتی پرواز کے دوران میانوالی کے قریب گر کر تباہ ہوگیا تھا اور حادثے کے نتیجے میں طیارے ایف ٹی سیون میں سوار دونوں پائلٹ شہید ہوگئے تھے، جن کے نام اسکواڈرن لیڈر حارث بن خالد اور فلائنگ آفیسر عبادالرحمان تھے۔

گذشتہ سال بھی پاک فضائیہ پاک فضائیہ کا تربیتی طیارہ مستونگ کے قریب گرکرتباہ ہوا تھا، جس کے نتیجے میں طیارے میں سوار پائلٹ شہیدہوگیا تھا۔

اس سے قبل جون 2018 میں پاک فضائیہ کا تربیتی طیارہ پشاور ایئربیس پر لینڈنگ کے دوران گر کر تباہ ہوگیا تھا، حادثے کے نتیجے میں دونوں پائلٹ شہید ہوگئے تھے۔

اس خبر پر اپنی رائے کا اظہار کریں

اپنا تبصرہ بھیجیں