راولپنڈی :پولیس سب انسپکٹر سمیت 3پولیس اہلکاروں کو فائرنگ کر کے شہید کرنے والے مجرم کو انسداد دہشت گردی کی عدالت نے 6مرتبہ سزائے موت اورمجموعی طور پر74سزا قید کی سزا کا حکم سنا دیا۔
تفصیلات کے مطابق 6 مرتبہ سزائے موت و 74سال قید کی سزا پانے والے مجرم عبدالقدیر نے گزشتہ سال فائرنگ کر کے سب انسپکٹر محمد اکرم،کانسٹیبل محمد زعفران اور ساجد محمود کو شہید کر دیا تھا۔
یہ بھی پڑھیں:شریف خاندان کی شوگر مل سے ذخیرہ کی گئی چینی پکڑی گئی
شہید ہونے والے پولیس اہلکار صادق آباد کے علاقہ میں پولیس ناکہ پر کھڑے تھے تو اہلکاروں نے مجرم عبد القدیر کو روکا تو اس نے فائرنگ کر دی۔
پولیس نے یکسوئی کے ساتھ تفتیش کی اور ٹھوس ثبوتوں کے ساتھ ملزم کو عدالت میں چالان کیا، پولیس کی مربوط اور مکمل تفتیش و ٹھوس شواہد کی بنیاد پر انسداد دہشت گردی کی عدالت کے جج شوکت کمال ڈار نے مجرم کو سزا سنا دی۔
