419

چونیاں میں بچوں سے زیادتی کے مجرم کیخلاف ایک اور چالان جمع

چونیاں میں بچوں سے زیادتی اور قتل کے مقدمہ کے مجرم سہیل شہزادہ کے خلاف انسداد دہشتگردی عدالت میں ایک اور چالان جمع کروا دیا گیا۔

تفصیلات کے مطابق انسداد دہشتگردی عدالت میں چونیاں میں بچوں سے زیادتی اور قتل کے مجرم سہیل شہزادہ کے خلاف بنائی گئی جے آئی ٹی نے ایک اور بچے کے مقدمہ کا چالان جمع کروا دیا۔

مجرم کے خلاف نو سالہ علی حسنین کو زیادتی اور قتل کا مقدمہ درج ہے،دائر کیے گئے چالان کے مطابق مجرم سہیل شہزادہ کے ڈی این اے مثبت آئے ہیں،بچے کے دانت اور سر کی ہڈیاں ملی ہیں۔

ڈی این اے رپورٹ کے مطابق بچے کی قمیض پر انسانی خون کے دھبے پائے گئے ہیں،چالان کے مطابق کل 39 گواہان کی فہرست جمع کروائی گئی ہے ،محکمہ داخلہ پنجاب کی اجازت کے بعد ملزم پر جیل میں ٹرائل شروع کرکے فرد جرم عائد کی جائے گئی،مرنے والے بچے علی حسنین کے والد محمد افضل کی مدعیت میں 18 اگست کو مقدمہ درج کیا گیا تھا۔

مجرم سہیل شہزادہ کو اس سے قبل دسمبر 2019 میں فیضان نامی بچے کو زیادتی اور قتل کے مقدمہ میں تین بار پھانسی اور ایک بار عمرقید کی سزا سنائی جا چکی ہے۔

اس خبر پر اپنی رائے کا اظہار کریں

اپنا تبصرہ بھیجیں