بھارت کے نامور فلم ساز کرن جوہر نے سوشل میڈیا پر مشہور ہونے والے چاہت فتح علی خان کے نئے گانے کی ویڈیو پر ردعمل دیا ہے۔
چاہت فتح علی خان نے حال ہی میں ‘توبہ توبہ’ گانا ریلیز کیا جو دراصل مقبول بالی وڈ گانے ’توبہ توبہ‘ کی نقل ہے جو معروف بھارتی گلوکار کرن اجولا نےگایا ہے۔
بالی وڈ میں یہ گانا وکی کوشل پر فلمایا گیا ہے جو ان کے رقص کی وجہ سے انٹرنیٹ پر بہت مشہور ہوا۔
اب کرن جوہر نے جیو کے رپورٹر مرتضیٰ علی شاہ کی انسٹاگرام ویڈیو اسٹوری پر شیئر کی جس میں چاہت فتح علی خان ‘توبہ توبہ’ گانا اپنے انداز میں گارہے ہیں۔
بھارتی ہدایتکار نے اس گانے کو لازمی دیکھنے کا مشورہ دے دیا۔ اس سے قبل معروف بھارتی گلوکار کرن اجولا جنہوں نے گانا کمپوز کیا اور گایا ہے، انہوں نے چاہت فتح علی خان کے سامنے ہاتھ جوڑ لیے تھے اور ان کی جانب سے کمنٹ کرنے پر پوسٹ وائرل ہوگئی اور بڑی تعداد میں صارفین نے کرن کے کمنٹ کو لائیک کیا اور پوسٹ پر تبصرے کیے۔
86
