497

کرونا کو پاکستان میں وبائی شکل اختیار نہیں کرنے دیں گے، ڈاکٹر ظفر مرزا

اسلام آباد :معاون خصوصی برائے صحت ڈاکٹر ظفر مرزا کا کہنا ہے کہ کرونا کو پاکستان میں وبائی شکل اختیار نہیں کرنے دیں گے، عوام اپنےاردگرد رہنے والوں پرنظررکھیں۔

تفصیلات کے مطابق معاون خصوصی برائے صحت ڈاکٹر ظفر مرزا نے میڈیا سے گفتگو کرتے ہوئے کہا ہے کہ پاکستان میں 2افراد میں کروناوائرس کی تصدیق ہوئی ہے ، ہم اب یہ کہہ سکتے ہیں پاکستان میں کرونا وائرس آچکا ہے ، دونوں افراد کے کرونا ٹیسٹ مثبت آئےہیں، ایک مریض کا تعلق سندھ اور دوسرے کا فیڈرل ایریا سے ہے، دونوں متاثرہ افراد نے ایران کاسفرکیا ہے۔

ڈاکٹر ظفر مرزا کا کہنا تھا کہ قوم کوبتاناچاہتاہوں پر یشان ہونےکی ضرورت نہیں ہے، قوم کوچاہیےصرف احتیاط کرے، مکمل تصدیق تک دوسرےشخص میں وائرس منتقلی کانہیں کہہ سکتے، عوام اپنےاردگردرہنےوالوں پرنظررکھیں۔

معاون خصوصی نے کہا پاکستان خطے میں کروناوائرس سےمتاثرہونےوالاآخری ملک ہے، وزیراعظم کی ہدایت پر کل سے قوم کو ہر روز باخبر رکھیں گے ، ایسی چیزیں پھیلانے سےگریز کریں ، جس سےخوف وہراس پھیلے۔

یہ بھی پڑھیں:27 فروری کے دن ، آئی ایس پی آر کا خصوصی نغمہ جاری

ان کا کہنا تھا کہ پاکستان میں انشااللہ کروناوائرس کو وبا کی شکل اختیار نہیں کرنے دیں گے ، ہمیں بلاضرورت پریشان ہونےکی ضرورت نہیں، کوئی چین یا ایران کا سفرکر چکا ہے اور علامات ہیں تو ڈاکٹر سے رجوع کریں۔

ڈاکٹر ظفر مرزا نے مزید کہا کہ بروقت اقدامات کی وجہ سے کروناوائرس پاکستان میں آخر میں پہنچا، آگےبھی بہترین اقدامات اوراحتیاطی تدابیراپنائی جائیں گی۔

معاون خصوصی کا کہنا تھا کہ وفاق اورصوبائی حکومتیں بھرپوراقدامات کررہی ہیں، پوری کوشش ہےکروناوائرس وبائی شکل اختیارنہ کرے، وائرس کی روک تھام اورتدارک کیلئے بھرپور تیاری ہے، علامات پر ہماری ہیلپ لائن1166پر رابطہ کیا جاسکتاہے، ایک ایک چیز پر حکومت کی نظرہے۔

اس خبر پر اپنی رائے کا اظہار کریں

اپنا تبصرہ بھیجیں