424

2 ماہ قبل ہی رمضان المبارک اور عیدالفطر کی تاریخوں کا اعلان

دبئی : متحدہ عرب امارات میں 2 ماہ قبل ہی رمضان المبارک اور عید الفطر کی تاریخوں کا اعلان کردیا گیا ، امارات سمیت تمام خلیجی ممالک میں رمضان المبارک کا آغاز 24 اپریل جبکہ عید الفطر 24 مئی کو ہوگی۔

تفصیلات کے مطابق متحدہ عرب امارات میں رواں سال رمضان المبارک کے آغاز اور عید الفطر کی تاریخوں کا اعلان کر دیا گیا، عرب یونین اسپیس سائنس کے رکن ابراہیم الجروان نے بتایا متحدہ عرب امارات میں رمضان المبارک 24 اپریل بروز جمعہ جبکہ عید الفطر 24 مئی 2020 بروز اتوار کو ہونے کا امکان ہے۔

متحدہ عرب امارات نے سال 2020 کے لیے عید الاضحیٰ کی تاریخوں کا بھی اعلان کیا، جس کے مطابق عید الاضحیٰ 31 جولائی 2020 بروز جمعہ کو ہوسکتی ہے۔

یاد رہے گذشتہ سال متحدہ عرب امارات کی کابینہ نے سال 2020 میں ہونے والی سرکاری تعطیلات کی منظوری دی تھی ، منظوری کے بعد سرکاری اور پرائیوٹ سیکٹر میں 14 سرکاری تعطیلات دی جائیں گی۔

یہ بھی پڑھیں:ایران میں کروناوائرس سے 5افراد کی موت کی تصدیق، عالمی ادارہ صحت کا اظہارتشویش

کابینہ فیصلے کے مطابق متحدہ عرب امارات میں 9 نومبر 2020 کو عید میلاد النبی ﷺ کی سرکاری تعطیل دی جائے گی اسی طرح یکم دسمبر کو یادگاری دن جبکہ دو اور تین دسمبر کو جشن آزادی کے موقع پر چھٹی دی جائے گی۔

رپورٹ میں بتایا گیا تھا کہ یکم دسمبر کو اتوار جبکہ دو اور تین دسمبر کو بالترتیب منگل اور بدھ کے دن ہوں گے، ہفتہ وار چھٹیوں کو ملا کر 7 روز میں صرف دو روز کام ہوگا جبکہ سرکاری و پرائیوٹ اداروں میں پانچ دن کی تعطیلات ہوں گی ، اسی طرح چاند کی تاریخ کے حساب سے 29 رمضان سے 3 شوال تک پانچ روز کی سرکاری و نجی ادارے بند ہوں گے، یومِ عرفہ اور عیدالاضحیٰ کے تین روز چھٹی ہوگی۔

اگست کی 23 تاریخ کو یکم محرم کی چھٹی دی جائے گی جبکہ 29 اکتوبر کو عید میلاد النبی ﷺ ، یکم دسمبر کو یادگاری دن، 2 اور دن دسمبر کو قومی دن کے موقع پر سرکاری تعطیل دی جائے گی۔

اس خبر پر اپنی رائے کا اظہار کریں

اپنا تبصرہ بھیجیں