اسلام آباد : عدالت نے حکم جاری کیا ہے کہ وفاقی حکومت چین میں کورونا وائرس کی وجہ سے پھنسے پاکستانیوں کو وطن واپس لانے میں مناسب اقدامات کرے، دو صفحات پر مشتمل حکم نامہ اسلام آباد ہائی کورٹ کے چیف جسٹس نے جاری کیا۔
تفصیلات کے مطابق اسلام آباد ہائیکورٹ میں کورونا وائرس سے متعلق 2درخواستوں کی سماعت ہوئی، اس موقع پر چیف جسٹس اسلام آباد ہائی کورٹ نے تفصیلی حکم نامہ جاری کردیا ہے۔
دو صفحات پر مشتمل حکم نامہ میں کہا گیا ہے کہ گزشتہ سماعت پر ڈی جی ہیلتھ ڈاکٹر محمد شفیع اور ڈی جی فارن افیئرز پیش ہوئے تھے، دونوں افسران نے عدالت کو تفصیل سے کورونا وائرس سے پٌیدا ہونے والی صورتحال سے متعلق آگاہ کیا تھا۔
حکم نامے میں کہا گیا ہے کہ کورونا وائرس کی احتیاطی تدابیر کے حوالے سے بھی عدالت کو آگاہ کیا گیا ہے، اس کے علاوہ چین میں موجود پاکستانی طلبا کی صحت اور ان کی سیکیورٹی سے متعلق بھی عدالت کو آگاہ کیا۔
حکم نامے میں کہا گیاہے کہ وفاقی حکومت کراونا وائرس کی وجہ سے پاکستانیوں کو چین سے واپس لانے میں مناسب اقدامات کرے۔ بعد ازاں اسلام آباد ہائی کورٹ نے آئندہ کیس کی سماعت 18فروری تک ملتوی کردی۔
یہ بھی پڑھیں:
‘بلاول! ابواور پھوپھو سے کہیں لوٹا ہوا پیسہ واپس کر دیں، مہنگائی ختم ہوجائےگی’
واضح رہے کہ چین میں کرونا وائرس بے قابو ہوگیا ہے، روزانہ سو کے لگ بھگ افراد اس موزذی مرض کی وجہی سے موت کے منہ میں جارہے ہیں، آج مزید ستانوے مریض دم توڑ گئے، جس کے بعد ہلاکتوں کی تعداد 1113 ہوگئی ہے جبکہ 45 ہزار افراد اب بھی جان لیوا وائرس کا شکار ہوکر اسپتالوں میں زیر علاج ہیں۔
