551

مدینہ منورہ میں زلزلے کے جھٹکے

ریاض : سعودی عرب کے شمال مغربی علاقے میں پیر کی صبح زلزلے کے جھٹکے محسوس کیے گئے ہیں جن کی شدت کم تھی۔

تفصیلات کے مطابق سعودی عرب کے شہر مدینۃ المنورہ کے شمال مغربی علاقے آج صبح زلزلے کے جھٹکے ریکارڈ کیے گئے ہیں ، زلزلے کی شدت ریکٹر اسکیل پر 2.18 ریکارڈ کی گئی۔

عرب خبر رساں ادارے کی رپورٹ کے مطابق زلزلے کے جھٹکے آج صبح 11 بج کر 35 منٹ پر محسوس کیے گئے تھے۔

زلزلہ آتے ہی سعودی عرب کے شہری خوفزدہ ہوکر گھروں سے باہر نکل آئے اور کلمہ طیبہ کا ورد شروع کردیا۔

سعودی جیولوجیکل سروے بورڈ کے ترجمان طارق ابا الخیل نے خبر رساں اداروں کو بتایا کہ زلزلے کے جھٹکے مدینہ منورہ کے شمال مغرب میں 5.4 کلومیٹر زیر زمین ریکارڈ کیے گئے۔

طارق ابا الخیل کے مطاق زلزلہ 5.4 کلومیٹر زیر زمین تھا جس کے باعث اس کی شدت میں کمی تھی۔

زلزلے کے نتیجے میں کوئی جانی یا مالی نقصان نہیں ہوا۔

خیال رہے کہ رواں برس 23 جنوری کی رات بھی خلیجی ریاست سعودی عرب میں زلزلے کے شدید جھٹکے محسوس کیے گئے تھے، جس کی شدت ریکٹر اسکیل پر 3.9 ریکارڈ کی گئی تھی۔

اس خبر پر اپنی رائے کا اظہار کریں

اپنا تبصرہ بھیجیں