432

پاکستان میں کورونا وائرس کا پہلا مریض صحت یاب

کراچی: پاکستان میں کورونا وائرس کا پہلا مریض زیر علاج رہنے کے بعد صحت یاب ہو گیا ہے۔

پاکستانیوں کے لیے اچھی خبر ہے کہ نجی اسپتال میں زیر علاج کورونا وائرس کا شکار مریض صحت یاب ہو گیا ہے۔

اس حوالے سے ٹاس فورس نے تصدیق کردی جس کے بع ترجمان سندھ حکومت نے مریض کے صحت یاب ہونے سے متعلق اعلان کر دیا۔ ترجمان سندھ حکومت مرتضیٰ وہاب نے کہا کہ بہت خوشی ہےسندھ میں کورونا وائرس کا پہلا مریض صحتیاب ہوا، علاج کےبعد مریض کا کورونا ٹیسٹ منفی آیا ہے۔

پاکستان میں کرونا وائرس کے 6 کیسز رپورٹ ہوئے تھے جس میں سے 3 افراد کا تعلق کراچی سے ہے۔

یہ بھی پڑھیں:بلاول سے سیاسی سوال نہیں ہوگا، یونیورسٹی انتظامیہ کے منع کرنے پر طلبا سراپا احتجاج

متاثرہ افراد کے اہل خانہ کی اسکیننگ کی گئی اور مختلف ٹیسٹ لیے گئے اور سب کو کلیئر قرار دیا گیا۔ چند روز قبل ہی معاون خصوصی ڈاکٹر ظفر مرزا میڈیا سے بات کرتے ہوئے کہا تھا کہ کورونا وائرس کا شکار 3 افراد روبہ صحت ہیں۔

یاد رہے کہ مہلک کورونا وائرس کے سبب دنیا بھر میں اب تک 3 ہزار سے زائد افراد ہلاک ہوچکے ہیں، امریکا میں وائرس سے 11 افراد زندگی کی بازی ہار گئے ہیں اور وائرس سے متاثرہ افراد کی تعداد ہزاروں تک جاپہنچی ہے۔

رپورٹ کے مطابق 82 ممالک میں کورونا وائرس پھیل چکا ہے، سعودی عرب میں بھی کورونا کے مزید کیسز سامنے آئے ہیں۔

اس خبر پر اپنی رائے کا اظہار کریں

اپنا تبصرہ بھیجیں