421

بھارت کی جانب سے چینی جہاز روکنے پر ترجمان دفتر خارجہ کا رد عمل

اسلام آباد : بھارت کی جانب سے پاکستان آنے والے بحری جہاز کو پکڑنے پر ردعمل دیتے ہوئے ترجمان دفتر خارجہ نے کہا ہے کہ جہاز میں دل کے علاج کیلئے ہارٹ ٹریٹمنٹ فرنس شیل سسٹم ہے، تجارتی سامان فوجی استعمال کیلئے نہیں ہے۔

تفصیلات کے مطابق ترجمان دفتر خارجہ نے کہا ہے کہ بھارت کی جانب سے چین سے پاکستان آنے والے بحری جہاز کو پکڑنے کی اطلاعات پر اس کا جائزہ لیا ہے۔

سامان درآمد کرنے والے تاجر سے رابطے میں ہیں ہمارے علم میں آیا ہے کہ یہ چیز دل کے علاج کے لیے ایک ہارٹ ٹریٹمنٹ فرنس شیل سسٹم ہے، فرنس شیل پاکستان میں کئی کمپنیاں استعمال کر رہی ہیں۔

یہ بھی پڑھیں:مودی کے دورے سے قبل بنگلا دیش میں بڑے پیمانے پر مظاہرے

ترجمان دفترخارجہ نے واضح کیا کہ جہاز میں موجود تجارتی سامان فوجی استعمال کے لیے نہیں اور نہ ہی عالمی ایکسپورٹ کنٹرول لسٹ پر ہے۔

تجارتی جہاز اور اس کے مالکان نے پہلے ہی پوری سچائی سے بھارتی انتظامیہ کو آگاہ کردیا تھا لہذا نہ کوئی غلط بیانی کی گئی نہ ہی کوئی بات چھپائی گئی۔

اس خبر پر اپنی رائے کا اظہار کریں

اپنا تبصرہ بھیجیں