پانامہ میں نواز شریف کا دور دور تک نام نہیں تھا، نواز شریف کو سازش کے تحت پانامہ کیس میں ملوث کیا گیا، اقامہ کیس کا فیصلہ بدنیتی پر مبنی تھا، چار سو پاکستانیوں کے پانامہ میں نام تھے، کسی نے پوچھا تک نہیں۔
نواز شریف جیل میں اور کلثوم نواز لندن میں ہسپتال میں تھیں، نواز شریف کی کوشش کے باوجود ان کی اپنی بیمار اہلیہ سے بات نہیں کرائی گئی، سابق وزیرِاعظم کی لندن میں میڈیا سے گفتگو۔
لندن (مانیٹرنگ ڈیسک) مسلم لیگ ن کے صدر و سابق وزیرِاعظم شہباز شریف نے مسلم لیگ ن کے قائد نواز شریف کی وطن واپسی کی تاریخ کا اعلان کردیا۔ لندن میں میڈیا سے گفتگو کرتے ہوئے شہباز شریف نے کہا کہ آئین کی روح کے مطابق اسمبلی کو تحلیل کیا، الیکشن کرانا چیف الیکشن کمشنر کی آئینی و قانونی ذمہ داری ہے- انہوں نے کہا کہ پانامہ میں نواز شریف کا دور دور تک نام نہیں تھا، نواز شریف کو سازش کے تحت پانامہ کیس میں ملوث کیا گیا، اقامہ کیس کا فیصلہ بدنیتی پر مبنی تھا، چار سو پاکستانیوں کے پانامہ میں نام تھے، کسی نے پوچھا تک نہیں۔ شہباز شریف نے کہا کہ میاں نواز شریف اکتوبر میں پاکستان واپس آ جائیں گے۔
142
