سری دیوی میرے والد کی دوسری بیوی کے علاوہ اور کچھ نہیں، ارجن کپورممبئی: بالی ووڈ اداکار ارجن کپور نے کہا ہے کہ ان کے لئے سری دیوی صرف ان کے والد کی دوسری بیوی کےعلاوہ کچھ نہیں ہیں۔
بھارتی ٹی وی پروگرام میں بات کرتے ہوئے ارجن کپور نے کہا کہ ان کے اپنی سوتیلی ماں سری دیوی سے تعلقات کبھی بھی اچھے نہیں رہے اور ان کے لئے سری دیوی صرف ان کے والد کی دوسری بیوی کے علاوہ کچھ نہیں۔ ان کا کہنا تھا یہ میری والدہ مونا کپور کی تعلیمات کا ہی اثر ہے کہ سوتیلی ماں ہونے کے باوجود میں نے آج تک سری دیوی سے بدتمیزی یا ان کی بے عزتی نہیں کی۔
ارجن کپور نے کہا کہ وہ سری دیوی کی فیملی کے ساتھ کبھی خوشگوار زندگی نہیں گزار کرسکتے کیوں کہ وہ انہیں اپنی زندگی کا حصہ ہی نہیں سمجھتے تاہم انہیں کسی سے کوئی شکایت نہیں ہے۔