اسلام آباد : خالد جاوید خان کو اٹارنی جنرل تعینات کردیا گیا ، خالدجاوید خان کاعہدہ وفاقی وزیرکے برابرہوگا ، صدرمملکت کی منظوری سےوزارت قانون نےنوٹی فکیشن جاری کردیا ہے۔
تفصیلات کے مطابق خالدجاویدخان اٹارنی جنرل تعینات کردیا گیا ، صدرمملکت نےخالدجاویدخان کواٹارنی جنرل تعینات کرنےکی منظوری دی ، جس کے بعد وزارت قانون نے باقاعدہ نوٹی فکیشن جاری کردیا ہے۔
نوٹیفکیشن کے مطابق خالدجاوید خان کاعہدہ وفاقی وزیرکے برابرہوگا۔
یاد رہے حکومت نے اٹارنی جنرل آف پاکستان انور منصور خان کے استعفیٰ کے بعد خالد جاوید خان کو نیا اٹارنی جنرل پاکستان مقرر کرنے کا فیصلہ کیا تھا ، جس کے بعد وزارت قانون نے خالد جاوید خان کی اٹارنی جنرل آف پاکستان کی حیثیت سے تقرری کی سمری وزیر اعظم آفس بھجوائی جبکہ وزیراعظم کی ہدایت پروزارت قانون نےصدرکوسمری ارسال کی تھی۔
یہ بھی پڑھیں:طالبان امریکا مذاکرات کامیاب، دونوں فریقین کی تصدیق
خیال رہے خالدجاوید خان پہلے بھی اٹارنی جنرل کےفرائض انجام دےچکےہیں ، خالدجاوید خان پیرکےروزجسٹس قاضی فائزعیسیٰ کیس میں پیش ہوں گے ، جسٹس قاضی فائزکیس3 ہفتے ملتوی کرنے کی درخواست پہلےہی دی جاچکی ہے، نئے اٹارنی جنرل مقدمےکی تیاری کیلئے وقت دئیے جانے کی استدعاکریں گے۔
واضح رہے اٹارنی جنرل آف پاکستان انور منصور خان نے صدر مملکت کو ارسال کیے گئے استعفے میں کہا تھا کہ میں پاکستان بار کونسل کے مطالبے پر خود کو عہدے سے الگ کر رہا ہوں، گزشتہ ڈیڑھ سال تمام صلاحیتوں کو بروئے کار لا کر ذمہ داریوں کو نبھایا۔
