راجن پور میں دہشتگردی کی کوشش ناکام، ریلوے ٹریک پر نصب بم ناکارہ بنادیا گیاراجن پور: فاضل پور کے قریب پولیس نے ریلوے ٹریک پر نصب بم کو ناکارہ بناتے ہوئے دہشت گردی کی کوشش ناکام بنادی ۔
ایکسپریس نیوز کے مطابق راجن پور میں فاضل پور کے قریب دہشتگردوں نے ریلوے ٹریک پر بارودی مواد نصب کررکھا تھا، بارودی مواد کی موجودگی کی اطلاع پرپولیس موقعے پر پہنچ گئی اور پشاور سے کراچی آنے والی خوشحال خان ایکسپریس کو جام پور پر روک دیا گیا۔
پولیس کا کہنا ہے کہ ریلوے ٹریک پر نصب بم کو ناکارہ بنادیا گیا ہے، دہشتگردوں کی جانب سے نصب بم 8 کلو وزنی تھا اور اسے ریموٹ کنٹرول ڈیوائس سے منسلک کیا گیا تھا۔