تہران : ایران نے کروناوائرس سے5افرادکی موت کی تصدیق کردی ہے، عالمی ادارہ صحت کاایران میں کوروناوائرس پراظہارتشویش کیا ہے جبکہ عراق اورافغانستان نےایرانی باشندوں کی آمد ورفت محدودکردی ہے۔
تفصیلات کے مطابق ایرانی حکام نے کروناوائرس سے 5 افراد کی موت کی تصدیق کردی اور بتایا وائرس سےایران میں متاثرین کی تعداد 28ہوگئی، کروناوائرس سےاموات قم اوراطراف کے علاقوں میں ہوئیں۔
عالمی ادارہ صحت نے ایران میں کرونا وائرس پر تشویش کا اظہار کیا ہے جبکہ عراق اورافغانستان نےایرانی باشندوں کی آمد ورفت محدودکردی ہیں۔
اس سے قبل ایرانی وزارت صحت کے حکام نے کہا تھا کہ کرونا وائرس سے متاثرہ مریضوں کو ایرانی شہر قم میں ایک اسپتال میں الگ تھلگ رکھا گیا ہے اور قم میں کرونا وائرس پھیلنے کے خطرے کے پیش نظر تمام تعلیمی ادارے اور جامعات بند کردی گئی ہیں۔
حکام کا کہنا تھا کہ کرونا وائرس کو مزید پھیلنے سے روکنے کے لیے ہنگامی اقدامات کیے جا رہے ہیں ، وائرس سے فوت ہونے والے مریض عمر رسیدہ تھے جبکہ کرونا وائرس کے سبب کویت نے ایران کے لیے تمام پروازیں معطل کر دیں ہیں۔
یہ بھی پڑھیں:ایف اے ٹی ایف نے ایران کو بلیک لسٹ کردیا
خیال رہے سعودی عرب نے کرونا وائرس کے باعث شہریوں اور مقیم ایرانی باشندوں کے ایران جانے پر بابندی لگادی ہے، تاکہ مملکت کو کرونا کی وبا سے محفوظ رکھا جا سکے۔
واضح رہے چین میں مزید 109 افرادکرونا وائرس سے ہلاک ہوگئے، جس کے بعد کرونا وائرس سے اموات کی تعداد2360 ہوگئی جبکہ 76000 افراد وائرس سے متاثر ہیں۔
عالمی ادارہ صحت کاکہناہےکرونا وائرس پرقابو پانے کےامکانات کم ہوتےجارہےہیں، اٹلی میں وائرس سےپہلی ہلاکت سامنے آگئی جبکہ جنوبی کوریا میں وائرس سے متاثرین کی تعدادتین سوچھیالیس ہوگئی۔
اٹھائیس ممالک میں اب تک ایک ہزار سے زیادہ کیسز رپورٹ ہوچکے ہیں جبکہ لبنان اور اسرائیل میں ایک ایک کیس رپورٹ ہوا۔
