اسلام آباد :معاون خصوصی برائے اطلاعات فردوس عاشق اعوان کا کہنا ہے کہ ٹرمپ کابھارت میں پاکستان سےدوستی کا اظہار بڑی پیش رفت ہے ،دنیا کاامن کےلیےہماری کاوشوں کااعتراف کامیاب خارجہ پالیسی کامظہرہے۔
تفصیلات کے مطابق معاون خصوصی برائے اطلاعات فردوس عاشق اعوان نے سماجی رابطے کی ویب سائٹ ٹوئٹر پر ڈونلڈ ٹرمپ کےبیان پر ردعمل کا اظہار کرتے ہوئے کہا ٹرمپ کابھارت میں پاکستان سےدوستی کااظہاربڑی پیش رفت ہے اور قیام امن کےلیےہماری کاوشوں کامنہ بولتاثبوت ہے ، ٹرمپ کا دہشت گردی کے خلاف ہمارے کردار کے اعتراف سے بھارتی بیانیہ دفن ہوگیا۔
امریکی صدر ڈونلڈ ٹرمپ کا بھارت میں کھڑے ہوکر پاکستان کے ساتھ دوستی کا اظہار ایک بڑی پیش رفت ہے۔ بھارت میں کھڑے ہوکر ٹرمپ کا دہشت گردی کے خلاف ہمارے مثبت کردارکا اعتراف کرنے سے بھارتی بیانیہ دفن ہوگیا۔ ٹرمپ کا بیان قیام امن کیلئے ہماری کاوشوں کا منہ بولتا ثبوت ہے۔2/1
— Dr. Firdous Ashiq Awan (@Dr_FirdousAwan) February 25, 2020
فردوس عاشق اعوان کاکہنا تھا کہ مودی نفرت اورجنگ کی آگ بھڑکانےکی بجائےدوستی کاپیغام اوراس کی طاقت سمجھے۔
مودی خطے اور بھارت میں نفرت، تعصب اور جنگ کی آگ بھڑکانے کی بجائے دوستی کے پیغام اور اس کی طاقت کو سمجھے۔2/2
— Dr. Firdous Ashiq Awan (@Dr_FirdousAwan) February 25, 2020
معاون خصوصی نے کہا کہ ٹرمپ کی موجودگی میں شہریت بل پراحتجاج کرنےوالوں پر تشددکیاگیا، بہیمانہ تشدد نےپوری دنیا کو حقیقت سے آگاہ کر رہا ہے، دنیانےدیکھ لیا تعصب، انتہاپسندی اورجنگی جنون کی بیماری میں کون مبتلاہے۔
امریکی صدر کی موجودگی میں شہریت بل پر احتجاج کرنے والوں پر بہیمانہ تشدد پوری دنیا کو حقیقت سے آگاہ کر رہا ہے۔دنیا نے دیکھ لیا کہ تعصب، انتہا پسندی اور جنگی جنون کی ذہنی بیماری میں کون مبتلا ہے؟
— Dr. Firdous Ashiq Awan (@Dr_FirdousAwan) February 25, 2020
ان کا مزید کہنا تھا کہ وزیراعظم کی قیادت میں پاکستان کاعالمی تشخص بہترسےبہترہورہاہے، دنیا کاامن کےلیےہماری کاوشوں کااعتراف کامیاب خارجہ پالیسی کامظہرہے، مسئلہ کشمیرمسلمہ حقیقت ہےامیدہےامریکی صدرٹرمپ اس پرضروربات کریں گے۔
وزیراعظم عمران خان کی قیادت میں پاکستان کا عالمی تشخص بہتر سے بہتر ہو رہا ہے۔دنیا کا علاقائی اور عالمی امن کیلئے ہماری کاوشوں کا اعتراف پاکستان کی کامیاب خارجہ پالیسی کا مظہر ہے۔مسئلہ کشمیر ایک مسلمہ حقیقت ہے امید ہے کہ صدرٹرمپ مسئلہ کشمیر پر ضرور بات کریں گے۔
— Dr. Firdous Ashiq Awan (@Dr_FirdousAwan) February 25, 2020
گذشتہ روزامریکی صدر ٹرمپ نے احمدآباد اسٹیڈیم میں خطاب میں پاکستان کی تعریف کرتے ہوئے کہا تھا پاکستان سے اچھے تعلقات ہیں، پاکستان کے ساتھ ملکردہشت گردی کیخلاف کام کررہے ہیں، ان کوششوں کی بدولت پاکستان سے تعلقات میں نمایاں بہتری آئی اور اقدامات کے نتیجے میں جنوبی ایشیا کے ممالک میں کشیدگی میں کمی،خطے کی خوشحالی اورترقی کی توقع ہے۔
