136

چین میں کورونا وائرس سے مزید 71 ہلاکتیں، تعداد 2663 ہوگئی

چین سے پھیلنے والے جان لیوا کورونا وائرس کے کیسز دیگر ممالک سے بھی تیزی سے پھیل رہے ہیں جب کہ چین میں وائرس سے ہلاکتوں کی تعداد 2663 تک جا پہنچی ہے۔

چین میں کووڈ -19 سے مزید 71 افراد ہلاک ہونے کی تصدیق کی جاچکی ہے جب کہ  508 نئے کیسز سامنے آنے کے بعد متاثرین کی کل تعداد 77 ہزار 685 ہوچکی ہے۔

چین کے بعد کورونا وائرس جنوبی کوریا میں بھی تیزی سے  پھیل رہا ہے جہاں 60 نئے کیسز رپورٹ ہوچکے ہیں جس کے بعد مجموعی تعداد 900 کے قریب پہنچ گئی ہے۔

تھائی لینڈ
تھائی لینڈ نے بھی کورونا وائرس کے 2 نئے کیسز کی تصدیق کی ہے۔

تھائی ہیلتھ حکام کے مطابق رپورٹ ہونے والے 2 مریضوں میں ایک خاتون ہیں جن کے اہل خانہ چین کا سفر کرتے رہے ہیں۔

یہ بھی پڑھیں:غداری کیس: خصوصی عدالت کو کالعدم قرار دینے کا فیصلہ سپریم کورٹ میں چیلنج

جب کہ دوسرا مریض چینی سیاحوں کا ڈرائیور ہے، تھائی لینڈ میں مجموعی متاثرین کی تعداد 37 ہوچکی ہے۔

ویتنام
ویتنام میں بھی 16 افراد موذی وائرس کا شکار ہوچکے ہیں۔

ویتنام ہیلتھ حکام کا کہنا ہے کہ 13 فروری کے بعد سے کورونا وائرس کا کوئی نیا کیس رپورٹ سامنے نہیں آیا ہے۔

ایران

ایران میں کورونا وائرس سے ہلاک ہونے والے افراد کی تعداد 10 سے زائد ہوچکی ہے جب کہ متاثرہ افراد کی تعداد 45 کے قریب ہے۔

اس خبر پر اپنی رائے کا اظہار کریں

اپنا تبصرہ بھیجیں