اسلام آباد: اینٹی نارکوٹکس فورس (اے این ایف) نے چاغی میں بڑی کارروائی کرتے ہوئے 1020 کلو ہیروئن برآمد کر لی۔
تفصیلات کے مطابق صوبہ بلوچستان کے ضلع چاغی میں اے این ایف نے خفیہ معلومات کی بنا پر کارروائی کرتے ہوئے 1020 کلو ہیروئن برآمد کرلی۔
ذرائع اے این ایف نے بتایا کہ ہیروئن افغانستان سے بلوچستان کے علاقےگردی جنگل میں لائی گئی تھی، منشیات پاکستان کے راستے بیرون ملک جانا تھی۔
یہ بھی پڑھیں:
سندھ میں ایک اور پولیو کیس کی تصدیق، مجموعی تعداد 12 ہوگئی
یاد رہے کہ گزشتہ ماہ اے این ایف نے خفیہ اطلاع ملنے پر چاغی میں کارروائی کرتے ہوئے 12 ارب روپے سے زائد کی منشیات برآمد کی تھی اے این ایف نے کارروائی پاکستان اور ایران کے بارڈر کے قریب ضلع چاغی کی تحصیل تفتان میں کی تھی۔
ترجمان اے این ایف کا کہنا تھا کہ دوران کارروائی 848 کلو گرام افیون،84 کلو گرام چرس،71 کلو گرام آئس، 53 کلو گرام مارفین اور 32 کلو گردہ چرس برآمد کی گئی۔
