اسلام آباد: وزیر خارجہ شاہ محمود قریشی کا کہنا ہے کہ بھارتی مسلمانوں کی زندگیوں کو شدید خطرات لاحق ہیں۔
تفصیلات کے مطابق سماجی رابطے کی ویب سائٹ ٹویٹر پر وزیر خارجہ شاہ محمود قریشی نے اپنے پیغام میں بھارت میں مسلم کش فسادات سے متعلق ایرانی ہم منصب کے بیان کا خیرمقدم کیا۔
شاہ محمود قریشی کا کہنا تھا کہ بھارتی مسلمانوں کی زندگیوں کو شدیدخطرات لاحق ہیں، جواد ظریف کے بھارتی مسلمانوں کےتحفظ، بہبود پر خدشات درست ہیں۔
Fully share the concerns expressed by my brother @JZarif on safety and well-being of Indian Muslims facing naked violence from RSS mobs. India is in throes of grave communal violence. Their sinister & systemic killing of Muslims is inhuman & dangerous for whole region. https://t.co/MrMZOBSKlu
— Shah Mahmood Qureshi (@SMQureshiPTI) March 3, 2020
وزیر خارجہ نے کہا کہ بھارتی مسلمان آر ایس ایس کے جتھوں کے تشدد کا شکار ہیں، بھارت میں شدید مذہبی فسادات پھوٹ پڑے ہیں،مذموم انداز سے مسلمانوں کا منظم قتل عام پورے خطے کے لیے خطرہ ہے۔
بھارتی پولیس کی نگرانی میں مسلمانوں کے قتل عام سے شدت پسندی جنم لےگی،وزیراعظم
یاد رہے کہ گزشتہ ہفتے وزیراعظم عمران خان نے اپنے پیغام میں کہا تھا کہ آر ایس ایس کے غنڈے بھارتی پولیس کی نگرانی میں مسلمانوں کا قتل عام کر رہے ہیں۔
