473

فرانس میں کرونا کیسز میں اضافہ، 2 بچے اور ماں بھی شکار

پیرس: فرانس میں کرونا وائرس کے کیسز میں اضافہ ہو گیا ہے، متاثرہ افراد کی مجموعی تعداد 130 ہو گئی۔

تفصیلات کے مطابق فرانس میں 130 افراد میں کرونا وائرس کی تصدیق ہو چکی ہے، 2 بچوں میں بھی وائرس کی تصدیق کی گئی ہے جن کی عمریں ایک اور 5 سال ہیں، بچوں کی ماں میں بھی وائرس کی تصدیق کی گئی تھی۔

ریجنل ہیلتھ ایجنسی کا کہنا تھا کہ ماں اور دونوں بچوں کو اسپتال منتقل کر دیا گیا ہے۔ ادھر فرانس حکومت نے 5 ہزار سے زیادہ ہجوم پر پابندی لگا دی ہے۔

یورپی ملک اٹلی میں بھی کرونا وائرس سے اموات کی تعداد بڑھ کر 41 ہو گئی ہے جب کہ وائرس کے مزید 566 کیسز رپورٹ ہونے کے بعد متاثرہ مریضوں کی تعداد 1701 ہو گئی ہے۔

یہ بھی پڑھیں:تاریخی امن معاہدے کے بعد ٹرمپ کا ایک اور بڑا اعلان

خیال رہے کہ نہایت مہلک اور نئے وائرس COVID 91 سے اب تک چین میں 2912، ایران میں 54، اٹلی میں 41، جنوبی کوریا میں 22 اور ٹوکیو جاپان میں قرنطینہ میں رکھے گئے بحری جہاز ڈائمنڈ پرنسز میں 7 افراد ہلاک ہو چکے ہیں۔

مجموعی طور پر دنیا بھر میں کرونا وائرس کے کیسز کی تعداد 89,077 تک پہنچ گئی، اموات 3,053 ہیں، جب کہ وائرس سے صحت یاب ہونے والوں کی تعداد 45,144 ہے۔

اس خبر پر اپنی رائے کا اظہار کریں

اپنا تبصرہ بھیجیں