لاہور : قومی کرکٹر عمر اکمل نے بکی سے ملنے کا اعتراف کرلیا،عمر اکمل پی سی بی کو نہ بتانے پرغلطی کےمرتکب ہوئے، ان کو موبائل ریکارڈنگ کے ذ ریعے پکڑا گیا۔
تفصیلات کے مطابق قومی کرکٹر عمر اکمل نے بکی سے ملنے کا اعتراف کرلیا ، عمر اکمل کو موبائل ریکارڈنگ کے ذ ریعے پکڑا گیا ، وہ پی سی بی کو نہ بتانے پرغلطی کےمرتکب ہوئے۔
گذشتہ روزپاکستان کرکٹ بورڈ ( پی سی بی) نے عمراکمل کومعطل کردیا تھا، عمراکمل کواینٹی کرپشن کوڈکےتحت معطل کیاگیا ، انکوائری کےدوران وہ کسی طرح کی کرکٹ میں حصہ نہیں لےسکتے۔
ذرائع کا کہنا ہے کہ انکوائری مکمل ہونےتک پی سی بی کی جانب سےکوئی تبصرہ نہیں کیاجائےگا، اس دوران کوئٹہ گلیڈی ایٹرز عمر اکمل کی جگہ متباد ل کھلاڑی استعمال کرسکتاہے۔
بعد ازاں کوئٹہ گلیڈی ایٹرز نے عمر اکمل کی جگہ انور علی کو ٹیم میں شامل کرلیا تھا۔
خیال رہے اس سے قبل بھی پاکستان کرکٹ بورڈ (پی سی بی) نے عمر اکمل کو غیرمہذب روئیے پر سخت تنبیہ کرکے چھوڑ دیا تھا۔
