اسلام آباد : وزیر اعظم عمران خان نے وفاقی وزارتوں اوراداروں میں ملازمین کی ترقیوں کےمعاملےکےفوری حل کی ہدایت کرتے ہوئے کہا ہے کہ 60 دن میں تمام ترقیوں پر کارروائی مکمل کی جائے۔
تفصیلات کے مطابق وفاقی وزارتوں اوراداروں میں ملازمین کی ترقیوں سےمتعلق اہم فیصلہ کرلیا گیا اور وزیر اعظم عمران خان نے ملازمین کی ترقیوں کے معاملے کے فوری حل کی ہدایت کردی ہے۔
وزیر اعظم کی ہدایت پر پی ایم ڈیلیوری یونٹ نے مراسلہ جاری کر دیا ہے، جس میں کہا گیا ہے کہ 60 دن میں تمام ترقیوں پر کارروائی مکمل کی جائے اور کاروائی مکمل کرکے رپورٹ بھی جمع کرائی جائے۔
یہ بھی پڑھیں:
انٹرنیٹ صارفین کے لیے خوشخبری ، سپریم کورٹ نے بڑا حکم دے دیا
پی ایم ڈیلیوری یونٹ کا کہنا ہے کہ وزارتوں اوراداروں میں 7ہزار سے زائد ترقیوں کا معاملہ زیر التوا ہے، 1991 سےایکس کیڈر ملازمین پرموشنزکے انتظارمیں ہیں، 1991 سے2017 تک 37 فیصدترقیاں نہ کی جا سکیں۔
مراسلے میں کہا گیا ملازمین کی بہتر کارکردگی میں معاملہ رکاوٹ ہے، ایکس کیڈر ملازمین سالوں سے پروموشن بورڈ کے انتظارمیں ہیں، ترقیوں سے20 ہزار ملازمین کی سنیارٹی کا مسئلہ بھی حل ہو جائےگا۔
پی ایم ڈیلیوری یونٹ کا مزیدکہنا تھا کہ فنانس ڈویژن میں 2290،کامرس میں1364ترقیاں زیرالتواہیں، پیٹرولیم میں 809،پاور ڈویژن میں615ترقیاں رکی ہوئی ہیں اورصنعت وپیداوارمیں 344 جبکہ وزارت داخلہ میں111ترقیاں زیرالتوا ہیں۔
