راولپنڈی: پی ایس ایل فائیو میں پشاور زلمی کی ٹیم کو ایک اور دھچکا لگا ہے، زلمی کے اہم کھلاڑی ایونٹ سے باہر ہوگئے۔
تفصیلات کے مطابق پی ایس ایل فائیو کی مضبوط ٹیم پشاور زلمی کے اہم کھلاڑی کیرون پولارڈ پی ایس ایل سے باہر ہوگئے، پولارڈ نے سیمی کے لیے نیک تمناؤں کا اظہار کیا۔
کیرون پولارڈ کا کہنا ہے کہ میں معذرت خواہ ہوں کے رواں سال پی ایس ایل نہیں کھیل سکوں گا تاہم ٹیم میں بہت سے اچھے کھلاڑی موجود ہیں جو میچ جتوانے کی صلاحیت رکھتے ہیں۔
ویسٹ انڈین آل راؤنڈر کا مزید کہنا تھا کہ مجھے امید ہے کہ ڈیرن سیمی ہیڈ کوچ کی حیثیت سے پہلے ٹرافی اپنے نام کریں گے۔
📰 Kieron Pollard ruled out of #HBLPSLV. More 👉 https://t.co/8f2gB3ki6O pic.twitter.com/6s3AzpQk25
— PakistanSuperLeague (@thePSLt20) March 7, 2020
واضح رہے کہ چند روز قبل ہی پشاور زلمی نے ڈیرن سیمی کو ہیڈ کوچ بنایا تھا، زلمی کی ٹیم میں ویسٹ انڈیز کے بریتھ ویٹ بھی موجود ہیں۔
یاد رہے کہ پشاور زلمی اور اسلام آباد یونائیٹڈ کے درمیان راولپنڈی میں جاری میچ بارش کے باعث روک دیا گیا ہے اگر میچ مقررہ وقت پر شروع نہ ہوسکا تو زلمی کی ٹیم ڈک ورتھ لوئس میتھڈ کے تحت کامیابی حاصل کرلے گی۔
بارش سے قبل پشاور زلمی نے 196 رنز کے تعاقب میں دو کٹوں کے نقصان پر 9 اوورز میں 85 رنز بنالیے ہیں، کامران اکمل 37 اور امام الحق 7 رنز بنا کر پویلین لوٹ گئے۔
