492

پی ایس ایل، مفت ٹکٹ مانگنے والے افسران کے خلاف کارروائی ہوگی، سندھ حکومت

کراچی: سندھ حکومت نے پاکستان سپر لیگ میں مفت ٹکٹ مانگنے والے افسران کے خلاف کارروائی کا عندیہ دے دیا۔

تفصیلات کے مطابق سندھ حکومت کا کہنا ہے کہ پی ایس ایل میں مفت ٹکٹ طلب والے افسران کے خلاف کارروائی ہوگی، جس افسر نے پی ایس ایل کا مفٹ ٹکٹ حاصل کیا اس کے خلاف کارروائی ہوگی۔

وزیراعلیٰ سندھ سید مراد علی شاہ کا کہنا ہے کہ کوئی افسر یا ملازم فری پاسز کے لیے بورڈ سے رجوع نہ کرے۔

وزیراعلیٰ سندھ کے مطابق فری ٹکٹ لینے والے کے خلاف سول سرونٹس ایکٹ کے تحت کارروائی ہوگی، وزیراعلیٰ کے احکامات پر تمام محکموں کے انتظامی سربراہان، کمشنرز کو خط ارسال کردئیے گئے ہیں۔

یہ بھی پڑھیں:دکھ بھرے70سال بہت ہوتےہیں،کشمیری آج بھی فیصلےکےمنتظرہیں، ڈیبی ابراہمس

خیال رہے ایسا پہلی بار ہورہا ہے کہ پی ایس ایل کے تمام میچز پاکستان میں کھیلے جارہے ہیں، پی ایس ایل 5 میں 4 مقامات پر 34 میچز کھیلے جائیں گے، ایونٹ کے 14 میچز لاہور، 9 کراچی، 8 راولپنڈی اور 3 ملتان میں ہوں گے۔

یاد رہے کہ کراچی کنگز اپنا پہلا میچ 21 فروری کو پشاور زلمی کے ساتھ کراچی نیشنل اسٹیڈیم میں کھیلے گی۔ کراچی کنگز کے 2 میچز لاہور، 2 راولپنڈی اور ایک ملتان میں ہوگا، اپنے ہوم گراؤنڈ پر کراچی کنگز 4 میچز کھیلے گی۔

اس خبر پر اپنی رائے کا اظہار کریں

اپنا تبصرہ بھیجیں